ব্যক্ত যদিও অজানা বহুবাৰ ♦️আচিত্ৰা মালা বৰঠাকুৰ | অসমীয়া কবিতা |

ব্যক্ত যদিও অজানা বহুবাৰ

দূৰন্ত সেই ৰাত্ৰিবোৰ 

তই হাতৰ মুঠিত বান্ধি ৰাখ্ ,

অজস্ৰ তেজালৰঙী ৰণুৱা ঘোঁৰাৰ মাজত ,

কেতিয়াবা তই  নিজকেই বিচাৰি চাবি।

কান্ধত  থকা তোৰ এই মোনাটোত কি আছে ,

সেয়া খুলি চোৱাৰ প্ৰয়োজনীয়তা তোৰ এতিয়া নাই ।

তই জাননে তোৰ দেউতাৰাই 

তোৰ বাবে কৰা সেই কষ্টবোৰ ,

তোৰ মাৰাই তোৰ বাবে নিগৰা দুখৰ চকুলোবোৰ । 

কিমান বেদনাসিক্ত চকুলোৰে বোৱাই নিব পাৰে মলিয়ৰি হৃদয়বোৰ!!!

আহ, চাহিচোন...

তই বোবা হোৱাৰ সময়তেই কিদৰে সলনি হৈ গ'ল সময়বোৰ ।‌

তোৰ সফলতাৰ আনন্দত সুখী হ'বলৈ ক'ত মানুহে জুম পাতিছে ,

এবাৰ মন দি চাই যায়

দুখৰ বিন্ধাবোৰে তোৰ পিঠিত হে খুঁটিব, 

তই জানো পিঠি পেলাই বহি দিবি ?

এটা দীঘল কবিতা তোৰ বাবে ,

কোনোবাই জানো ৰচিবলৈ বিচাৰিব । 

তই যে হাজাৰজনৰ আশা হৈ জীয়াই আছ'...

এটা তেজালৰঙী ঘোঁৰাৰ দৰে ,

আগুৱাই যা...

অসীমৰ এই সপোনৰ বাটত। 

★★★★★★★★

                    

নামঃ আচিত্ৰা মালা বৰঠাকুৰ।
ঠিকনাঃ মৰাণ, ডিব্ৰুগড়।

INSTAGRAM : Click here